ციხიდან გაქცევის შემდეგ 9 ბოროტმოქმედს სურს იპოვოს ”სამყაროს გასაღები”, რომლის შესახებაც მათ ციხეში დარჩენილმა მეათე ბოროტმოქმედმა მოუყვა. სისხლიანი და სასტიკი დრამა თითქოს კარგად იწყება და ისეთი შთაბეჭდილება იქმნება, გეგონება მხიარული კომედიაა. მაგრამ ყველაფერი იცვლება, როცა ყველა გმირს სათითაოდ გავიცნობთ და ვხვდებით, რომ ასეთი ისტორია კარგად ვერ დამთავრდება. ”სამყაროს გასაღების” ძებნა ყოველი მათგანისთვის საკუთარ თავთან საუბრად იქცევა, საკუთარი ოცნებებისა და სულის ნათელი მხარეების კონფრონტაციად. და სანამ მიგვატოვებენ, ყოველი მათგანი მაყურებელს უზიარებს იმ ყველაზე წმინდას, რომელიც მას ამ ქვეყნად აჩერებდა.